Rosary

Tach� avoin chakrank mhonnlem: �To sangit titlem-I tumi korat� (JU 2:5)
 
DEVACHE UTOR NIHALL - SODAM TERSACHE MAGNNEM SANG.
 
�Somia Jezucher Bhavart dh�r ani tuka ani tujea ghorabeank taronn melltelem.�

Khursachi Khuru
Povitr Khursache + kurven Amcheam + dusmanantlim Nivaramkam, + amchea Deva. Bapache ani Putache ani Povitr Atmeache nanvim. Amen.
 
Apostalanchi Sotman�tam
Sotman�tam Devak, Sorvpodvedar Bapak, Sorga ani prithumechea Rochnnarak. Ani Jezu Kristak, Tachea ekleach Putak, amchea Somiak. To Povitr Atmea vorvim gorbim sombhovlo, Ankvar Mari� thaun zolmolo, Pons Pilata khal Tannem koxtt s�sle, Taka khursar z�ddlo, To melo ani Taka nikhipilo, To mel�leam modem denvlo, tisrea disa mel�leantlo jivont zalo; sorgar choddlo, Sorvpodvedar Deva Bapachea uzveak bosla; th�i thaun jiveam ani mel�leanchi mon�subi korunk ietolo. Sotmon�tam Povitr Atmeak; Katolik Povitr-Sobhek, bhoktancho Ektar, patkanchem bhogsonnem; kuddichem jivontponn, sasnnachem jivit. Amen
 
SVAMIACHEM MAGNNEM
Amchea Bapa sorginchea, Tujem Nanv povitr zaum, Tujem raj amkam ieum, Tuji khuxi sorgar zata toxi sonsarant zaum.
Amcho dispotto giras azamkam di, ani ami amcher chukleleank bhogxitanv, toxem amchim patkam bhogos ani amkam tallnent poddunk dium naka, ponn vaittantlim amkam nivar. Amen.
 
BHODDVEACHO NOMAN
Noman Marie, kurpen bhorlele, Sorvesvor tuje tthaim asa, Ostoream modhem tum sodoiv, ani sodoiv tuzo Put Jezu.
Bhagevonti Marie, Devache Maie, amam papiam khatir vinonti kor atam ani amchea mornnachea velar. Amen.

Mhoima Bapak
Mhoima Bapak ani Putak ani Povitr Atmeak:
Adim, atam ani sodam sodankal. Amen.
 
BAGEVONTI RUZARICHE MISTER:
1. SONTOSACHE MISTER
 
1. Anj Gabrielan khobor dili Ankvar Moriek, tichea kusveant zolmotolo mhonn, Devacho put. (Luke 1:26-38)
�Noman, Devache kurpen bhorel�. Somi Dev Tuj� th�i asa�. (Luke 1:28)
�Hi asma hanv Devachi Chakorn, Tujea utra promonnem mhoj� sovem zaum (Luke 1:38)
 
2. Gorbest astana Ankvar Mori, gorbhest Elizabetik aple maux-bhoinnik, bhettonk gheli
�Ostoream bhitor tum sodoiv ani sodoiv tuj� kuxichem foll.� (Luke1:42)
�Ani tunvem sotman�leim dekhun tum subhagi, tor Devan tuka sanglam tem ghoddtelem.� (Luke 1:45)

3. Belea nogrant, gorvanchea gotteant, monzatin modem, Ankvar Mari Ballka Jezuk porsut zali. (Luke 2:1-7)
�Tor az Davidachea nogrant tumkam �k Soddvonndar zolmola to Krist Somi.�(Lk 2:11)
�Devan sonvsarocho itlo mog kelo ki Tannem Aplea ekleach Putak vopun dilo, Tacher visvas thevtat team sogleancho nas zainam zauncheak, punn tankam sasnnachem jivit mellcheak.� (Juanvan 3:16)

4. Challis dissam uprant, Ballka Jezuk templant bhettoilo, ani dilo Taka Simeanvachea hatant, zannem ollkhol sonvasaracho Tarok mhonn ani dilim vhodd argam. (Luke 2:22-40)
�Tor Tuji soddvonn dekhli hanvem Sorv raxttram kukhar toiar kel�li (Luke 2:30-31)
�Videxeank uzvadd ghalto divo, Man tuj� Izrael porjecho.� (Luke 2:32)

5. Ballok Jezu porbechea disa sanddlea uprant, Jeruzaleachea templant mell�lo. (Luke2:41-52)
�Ani tin disam uprant xastream modem bosun tanchem aikun ani tankam vichar korun also toso mell�lo. Tacehm aikotale tankam somestank tachea gineanachem ani tacheam zobabanchem mottem ojap dislem. (Luke 2:46-47)
�Tachi avoi hem sogllem aplea kallzant samballun dovortali.� (Luke 2:51)
 
2. UZVADDACHE MISTER
 
1. Jezu Jordan noint snan gheta (Lk 3:21-22)
�Ani Povitr Atmo Parveachem ang-rup gheun tacher denvun ailo; ani sorgar thaun �k tallo aikunk ailo: �Tum Mhozo vh�dd opurbaicho Put, tujer Mhojem dhadosponn asa.� (Lk 3:22 )

2. Jezu Kana xhorantlea lognant apli mhoima porgott�ta (JU 2:1-11)
�Jezun tika mhonnlem:�Ostor�, tuka ani Mhaka hem kiteak poddlam? Mhozo vell azun pavunk nam� (JU 2:4)
�Tach� avoin chakrank mhonnlem: �To sangit titlem-I tumi korat� (JU: 2:5)

3. Jezu Devachem Sorginchem raj porgtt�ta ani patki jinni bodlunk ulo dita (Mark 1:14-15)
�Kall bhorlo ani Devachem Raj lagim pavlam. Mon b�dlat ani Bori Khobor sotmanat.� (Mk 1:15)
�Kiteak Devachem Raj mhonnlear khan ani pivonn nhoi, bogor bhagevontponn, xanti ani Povitr Atmea th�i mellta to sont�s.

4. Jezu Tabor porvotar rupantor zata (MT 17: 1-8)
�Ho Mhozo Put, kherit opurbaiecho; Tacher sogllem Mhojem dhadosponn asa. Tumi Tachem aikat�� (MT:17:5)
�Ho tallo ami khaxa aikolo; to sorgar thaun ietalo ani ami Tach� borobor povitr dongrar asleanv. (2 PED 1:18)
 
5. Paskanchem Jevonna velar Jezu Povitr Eukarist ghoddta.((MT26:26-29)
�Gheiat ani khaiat,hi mhoji kudd; Tumi somest hantlem pieiat tor hem mhojem rogot, kororachem rogot, patkanchem bogsonnem mellcheak somest mon�xam pasot tem varovtelem. (MT 26: 26-28)
 
3. DUKICHE MISTER
 
1. Getsemanichea moleant magnnem kortanam, amcheam patkam posot rogot humelo.(Luke 22:39-44)
�Tallnnent poddonam zauncheak, magnnem korat� (Luke 22:40)
�Ani mornnachea akantak sampddon, odik khotkhotean magnnem kortalo. Ani Tacho gham� rogtacheam thembeam vori dhornnir golltlalo� (Luke 22:44)

2. Pilatachea razagnnant,Somi Jezu Kristak eka khambeak bandlo ani vhodde nixturaien, Tachi povitr kudd jerbondamnim fafxili. (JU 19:1)
�Khorench mhollear, amchea opradhank lagun taka aspas vidhlo, amchea guneanvank lagun taka vollvollailo. Tacher xikxa poddlea tiche vorvim amkam xanti mell'lli, ani tachea ghaiank lagun amche ghai pekle.�(Isaiah 53:5)
�Mhojea nanva pasot sogllo lok tumcho dv�s kortolo; pun xevottak pasun thir ravot toch taronn z�ddtolo.� (Mt 10:22)
 
3. Somi Jezu Kristachea mostokar, team nixttur Judevamnim ek kantteeancho mukutt bosoilo (JU19:2)
�Novean bhair ieun Pilatan tankam mhonnlem: �Polleiat, tacho mhaka kosloch guneanv mellonam mhonn tumkam kollon ieuncheak hanv Taka bhair haddtam.� (JU 19:4)
��mhaka tacho kosloch guneanv mellonam.�
 
4. Somi Jesu Krist, Aplea khandar to bharadik khuris gheun Kalvar dongrachi vatt tankta (JU 19:17)
�Taka gheun vetastanam konneklea Simanv Siren�karak t�nnim vetthik dhorlo. � to kheddea-ganvathlo ietalo, ani Jezu pattlean khuris gheun vochunk tachea khandar to dilo.� (Luke 23:26)
�Konnak mhozo pattlav korunk khoxi asa zait, tannem apnnakuch patt korchi, aplo khuris gheuncho ani Mhoj� pattlean ieunchem.(Mk 8:34)
 
5. Amchea Somiak sobhe mazar ani Ankvar Marieche dixtti mukhar
vingllo korun dogma choram modem khursar zoddlo (Luke 23:44-46)
�Apl� avoik ani tich� kuxik aslelea mogachea xisak polleun, Jezun avoik mhonnlem: Ostor�, ho tuzo put!� Uprant xisak mhonnlem: �Hi Tuji avoi!�. (JU 19:26,27)
 
4. HORKACHE MISTER
 
1. Somi Jezu Krist tisrea disa Aplech podven mel�leantlo jivont zalo.(Mk 16:1-8)
�Punnorjivontponn ani jivit Hanvuch.Zo konn Mhojer visvas dovorta, to melo-I zalear jivo astolo (JU 11:25)
�Satolleacha poila disa, sokallim jivont zaun, To poilo Mari Maggaleanak dixtti poddlo�.(Mk 16:9)
 
2.Somi Jezu Krist jivont zatoch challis disani porzollit zaun sorgar choddlo. (Mk 16:19; D.I. 1:6-11)
�Mon�xacho Put Apleam dutam borobor Aplea Bapaichea voibhovan ietolo.� (Mt 16:27)
�Hanv Alfa ani Omega poilo ani nimanno, oromb ani xevott� (PROK. 22:13)

3. Somi Jezu Krist sorgar vetoch, patthoilo Povitr Atmeak Ankvar Mori ani Aplea Xisancher. (D.I. 2:1-12)
�Ani ujeacheo koxeo jib� tankam dixtti poddleo. Teo fanttleo ani tancher ek-ekleacher bosleo. Te sogle Povitr Atmean bhorle.� (D.I. 2:3,4)
�Devan Amkam bhivkutto Atmo diunk nam, bogor ghottaicho, mogacho ani amkam domavun dovota toslo.� (2 Tim 1:7)

4. Ankvar Moriek kuddi-atmea soit sorgar vheli. (Luke 1:46-55)
�Jednam lhan�vikai apl� dasichi Dulobaien tannem ollkhun ghettli, Polleiat, atanchean soglleo pillgeo Subhagi mhonn mhaka pacharteleo.� (Lk 1:48)
�H� porim, zoxem patkan mornna vorvim rajvoddki choloili, toxem amchea Somia Jezu Krista udexim, sasnnachea jivitak pavoita tea nitivontponna vorvim kurpen rajvoddki cholounchi (Rom 5:21)
 
5. Ankvar Moriek mukuttaili ani sorga-sonvsarachi Ranni tika keli. (PROK 12:1)
�Tednam sorgar �k motti kunna dixtti poddli; ek bail surea nhesleli; tichea p�iam tolla chondrim� ani tich� tokler bara noketrancho mukutt. � (PROK 12:1)
�Podvedarank sodrer thaun denvoile ani khalte tankam voir ukol�le� (Lk 1:52)

�Mhojea Jezu, amkam bhogos, emkhonddantlea ujeantle amkam nivar. Purgotoritleam otmeank pav, odhik korun chodd goroz asleleank�
 
Noman Rannie
Noman Rannie Kakutiche Maie, noman amchea jivita,
amruta ani bhorvanxea; tuka ami ulo martanv ami pordexi Evechim ballkam. Hea dukhachea konddant astam, askar-suskar soddun ami tuka rudan kortanv. Tor tum amche xaratinni te tuje kakutiche dolle amche voir porot ani hea jivita uprant, tuje kuxichem sodoiv foll Jezu amkam dakhoi; Eh xanti, Eh mogall konvalle, Eh dulob Ankvar Marie.

Bhagevonti Devache Maie, ama pasunt vinati kor
Kristachea basovnneak ami pavo zavnchea katir
 

SAIBINNICHI LADIN
 
Soresvora Deva, amchi Kakut kor
Krista Svamia, amchi   Kakut kor
Soresvora Deva, amchin Kakut kor
Krista Svamia aik amkam
Krista Svamia, Doien aik amkam
Deva, Sorginchea Bapa  � Kakut amchi kor
Deva Puta, Sonvsarachea Soddvonndara � Kakut amchi kor
Deva Povitr atmea  � Kakut amchi kor
Bhov Povitr Trindadi ekleach Deva         - Kakut amchi kor
Bhagevonti Morie, Amchea pasot Vinoti kor
Bhagevonti Devache Maie, Amchea pasot Vinoti kor
Bhagevonti Ankvarinche Ankvari, Amchea pasot Vinoti kor
Kristache Maie, Amchea pasot Vinoti kor
Povitr sobheche Maie, Amchea pasot Vinoti kor
Dev Kurpeche Maie, Amchea pasot Vinoti kor
Bhov nitoll Maie, Amchea pasot Vinoti kor
Bhov nirmoll Maie, Amchea pasot Vinoti kor
Bhoxttav naslele Maie, Amchea pasot Vinoti kor
Khot lagonk naslele Maie, Amchea pasot Vinoti kor
Mogall Maie, Amchea pasot Vinoti kor
Ojapanche Maie, Amchea pasot Vinoti kor
Bore bud�diche Maie, Amchea pasot Vinoti kor
Rochnarache Maie, Amchea pasot Vinoti kor
Sorvonddarache Maie, Amchea pasot Vinoti kor
Bhov Xanne Ankvari, Amchea pasot Vinoti kor
Man favo aslele Ankvari, Amchea pasot Vinoti kor                
Onod favo aslele Ankvari, Amchea pasot Vinoti kor               
Podvedar Ankvari, Amchea pasot Vinoti kor
Kakutsar Ankvari, Amchea pasot Vinoti kor
Visvaxi Ankvari, Amchea pasot Vinoti kor
Niai-Nitichea Arxea, Amchea pasot Vinoti kor
Zanvaiechea Arxea, Amchea pasot Vinoti kor
Amchea Sontosachea Prestava, Amchea pasot Vinoti kor
Dev Kurpechea Aidona, Amchea pasot Vinoti kor
Manachea Aidona, Amchea pasot Vinoti kor
Ut�tom hokitichea Aidona, Amchea pasot Vinoti kor
Ghuttachea Gulaba, Amchea pasot Vinoti kor
Davidache Minari, Amchea pasot Vinoti kor
Marfinche Minari, Amchea pasot Vinoti kor
Bhangarachea Ghora, Amchea pasot Vinoti kor
Ekvottachea Arka, Amchea pasot Vinoti kor
Sorgachea Darvonttea, Amchea pasot Vinoti kor
Fanteavelea Nokhetra, Amchea pasot Vinoti kor
Piddevontach Bholaike, Amchea pasot Vinoti kor
Patkeanchea Asrea, Amchea pasot Vinoti kor
Dukhestanche Bhuzvondare, Amchea pasot Vinoti kor
Kristavanchea Alaxirea, Amchea pasot Vinoti kor
Bhoddveanche Rannie, Amchea pasot Vinoti kor
Kul-bapanche Rannie, Amchea pasot Vinoti kor
Provadiance Rannie, Amchea pasot Vinoti kor
Prexitanche Rannie, Amchea pasot Vinoti kor
Dhorm-viranche Rannie, Amchea pasot Vinoti kor
Ankvarinche Rannie, Amchea pasot Vinoti kor
Soglean Bhoktanche Rannie, Amchea pasot Vinoti kor
Soimbhachea khotavinn gorbh sombhovlele Rannie, Amchea pasot Vinoti kor
Kuddi-Atmea soit sorgar vhelele Rannie, Amchea pasot Vinoti kor
Kuttumbache Rannie, Amchea pasot Vinoti kor
Sovostaieche Rannie, Amchea pasot Vinoti kor

Devache Xellie sonvsarachim patkam kaddtele � Amkam Bhogos Saiba
Devache Xellie sonvsarachim patkam kaddtele � Doien Amkam Aik Saiba
Devache Xellie sonvsarachim patkam kaddtele � Amchi Kakut kor
 
Bhov Povitr Ruzariche Rannie, amche pasun mag
Kristacheo bhasavnneo amkam labhum-xeo zauncheak.
 
MAGUIO-IA : Tujea gopant ami uddun ietanv, Devache eh bhagevont Maie, amcheam gorzamnim, amchea magnneannchi beporva korum naka, punn sorvoi vaittantle, eh sodanch onodvont ani sodoiv Ankvari amkam nivar. Amen.
 
PRARTHUM-IA
Deva ekleach Tujea Putan Aplea jivita mornna ani jivontponna vorvim, amkam sasnachea sukhacho mukutt zoddlo; Bhagevont Ankvar Marieche bhovpovitr Ruzaiche mister ami nihaalltoleamnim tantun attaplelem asa tachi dekh gheumxi ani bhasailelem asa tem tankam mello-xem kor mhonn magtanv. Teach amchea Svamia, Jezu Krista vorvim. Amen.
 
AXIRVAD
Amchea sodvondara Jezu Kristachea navim; horiek pida-xida, koxt-akant, somasie ani bandpasa thoun tumkam sutka labovndi. Amen. (Bap Franklin)
 
TERSACHI RIT

  1. Povitr Khursachi Khuru kadd ani Apostalchim sot�manta sang
  2. Somiache Magnnem sang.
  3. Bhodveacho noman (Noman Marie) ti�in povti sang.
  4. Mohima Bapa sang.
  5. Poilo mister sang; uprant somiache magnnem sang.
  6. Mister nihall korn, da povtim Bhodveacho noman sang.
  7. Mohima Bapa sang.
  8. dor ek mistera uprant hem magnnem sang �Mhojea Jezu, amkam bhogos, emkhonddantlea ujeantle amkam nivar. Purgotoritleam otmeank pav, odhik korun chodd goroz asleleank.�
  9. Dusro Mister sang. Uprant somiache Magnnem sang. Voir boraila 6,7,ani 8 kor ani mukarsun tisro, chovto ani panschvo mister sang.
  10. Panch mistera uprant kk��Noman Rannie� sang.
  11. Somara ani sonvara �sontosache mister, Mungllara ani Sukrara � Dukiche mister, Budvara ani aithara � horkache mister, Brestara- Uzvaddache mister sangche.

Tumka Magnnechei goroz asa tor amkam  tillsieat
Ami tumche katir magtanv.
 
Ph:9845856538 / 9845300074
Publisher: Fr. Franklin D�Souza
(Shimoga Diocese)

Top of Page

<< Back